Perezida Trump arashaka umubano urushijeho kuba mwiza n'Uburusiya

Putin na Trump bahuriye i Helsinki, umurwa mukuru wa Finlande Uwufise ububasha kw’isanamu Getty Images
Image caption Putin na Trump bahuriye i Helsinki, umurwa mukuru wa Finlande

Mu nama ya mbere na Perezida Vladimir Putin w'Uburusiya iri kubera mu murwa mukuru wa Finlande, Helsinki, Perezida Donald Trump wa Leta Zunze Ubumwe z'Amerika yavuze ko kuzura n'Uburusiya ari "ikintu cyiza, atari ikintu kibi."

Bwana Trump yavuze ko yizeye kugirana "umubano udasanzwe" n'Uburusiya.

Mbere yaho, Bwana Trump yari yavuze ko afite "icyizere gicye" ku kiza kuva muri iyi nama.

Yongeyeho ko "wenda ikintu cyiza" gishobora kuva muri iyi nama.

Ni inama ibaye nyuma yaho Abarusiya 12 bashinjwe kwiba amabanga yo kuri mudasobwa ajyanye n'amatora ya perezida w'Amerika yabaye mu mwaka wa 2016.

Uwufise ububasha kw’isanamu Getty Images
Image caption Ni yo nama ya mbere Bwana Putin na Bwana Trump bagiranye

Bwana Trump aravuga ko iyi ngingo aza kuyiganiraho na Bwana Putin. Ariko nta gahunda ihamye izwi y'ibiri ku murongo w'ibyigirwa muri iyi nama.

Aba bategetsi bombi barahura imbona nkubone, bafashwe n'abasemuzi babo kumvikana.

Ni yo nama ya mbere Bwana Putin na Bwana Trump bagiranye - nubwo bwose bigeze guhura mbere bahuriye mu zindi nama.

Muri Amerika, hari bamwe bari basabye ko Bwana Trump atitabira iyi nama kubera ibirego bishinjwa ubutasi bwa gisirikare bw'Uburusiya byatangajwe ku wa gatanu.

Uburusiya buhakana ibi birego, bukavuga ko ahubwo butegereje iyi nama n'igishyika cyinshi kuko buyibona nk'ishobora gutuma umubano hagati y'ibihugu byombi uzahuka.