Abantu bitwaje imbunda bishe abatwara abagenzi 11 mu mutego muri Afurika y'epfo

Gutwara abagenzi muri taxi ni bwo buryo bukunze gukoreshwa cyane muri Afurika y'epfo Uwufise ububasha kw’isanamu AFP/Getty
Image caption Gutwara abagenzi muri taxi ni bwo buryo bukunze gukoreshwa cyane muri Afurika y'epfo

Polisi y'Afurika y'epfo iravuga ko abantu bitwaje imbunda bishe abatwara abagenzi 11 mu mutego bari babateze ubwo bavaga mu muhango wo gushyingura mugenzi wabo.

Aba bagabo bishwe bari abo mu ntara ya Gauteng.

Bari bari kwerekeza mu mujyi wa Johannesburg ku wa gatandatu ubwo imodoka barimo ya taxi yaraswagaho.

Aba bagabo, cyo kimwe na bagenzi babo bane bakomeretse bikomeye, bari bavuye gushyingura mugenzi wabo mu karere ka Kwa-Zulu Natal.

Ntibiramenyekana impamvu bishwe nubwo bwose ubushyamirane hagati y'abatwara abagenzi muri taxi mu mihanda yo muri Afurika y'epfo bwigeze guteza urugomo mu gihe cyashize.

Kuri miliyoni 55 z'abaturage batuye Afurika y'epfo, uburyo bwo gutwara abagenzi mu modoka za taxi ni bwo bukoreshwa n'umubare munini.

Ibindi bisa n’ibi