"Abantu 60" bamaze guhitanwa n'imiriro y'agasozi mu Bugereki

Abategetsi bari gusaba imfashanyo y'amahanga mu guhangana n'iyi miriro Uwufise ububasha kw’isanamu Getty Images
Image caption Abategetsi bari gusaba imfashanyo y'amahanga mu guhangana n'iyi miriro

Abantu bagera kuri 60 ni bo bamaze kumenyekana ko bahitanwe n'imiriro y'agasozi iri kugurumana hafi y'umurwa mukuru Athènes w'Ubugereki, iyi ikaba ari yo nkongi y'umuriro ikaze cyane ibaye muri iki gihugu mu gihe kirenga imyaka 10.

Abarenga 100 bakomeretse.

Icyaro cya Mati kiri ku nkengero y'inyanja ni cyo cyibasiwe cyane n'iyi miriro.

Abakora mu bikorwa by'ubutabazi bifashishije ubwato n'indege za kajugujugu mu gukura abantu ku mwaro w'inyanja.

Uwufise ububasha kw’isanamu Getty Images
Image caption Abazimya inkongi babarirwa mu magana bakomeje kugerageza kuzimya iyi miriro

Abategetsi bari gusaba imfashanyo y'amahanga mu guhangana n'iyi miriro.

Abazimya inkongi babarirwa mu magana bakomeje kugerageza kuzimya iyi miriro.

Abantu bamwe bataye ingo zabo ziri hafi n'umurwa mukuru Athènes.

Abategetsi baravuga ko igikorwa cyo gushakisha no gukiza ababuriwe irengero nacyo gikomeje, hashakishwa ba mukerarugendo 10 bahunze iyi miriro bari mu bwato.

Minisitiri w'intebe w'Ubugereki, Alexis Tsipras, yabwiye abanyamakuru ati:

"Tuzakora igishoboka cyose mu bushobozi bwa muntu kugira ngo tuzimye iyi nkongi."

Leta yasabye ibindi bihugu byo ku mugabane w'Uburayi ko byayifasha mu kuyitiza izindi ndege za kajugujugu na bakizimya muriro mu rwego rwo guhangana n'iyi miriro.

Uwufise ububasha kw’isanamu EPA
Image caption Imyotsi mu nkengero y'umurwa mukuru Athènes

Ibi bihe bikaze bije nyuma yaho indi miriro ibarirwa mu macumi nayo ikomeje guca ibintu mu gihugu cya Suwede.

Ibihugu by'Ubutaliyani, Ubudage, Polonye n'Ubufaransa, byamaze kohereza inkunga yabyo y'indege, imodoka na bakizimya muriro.

Iyi ni yo miriro ikaze cyane yibasiye Ubugereki kuva mu mwaka wa 2007.

Icyo gihe abantu babarirwa mu macumi bapfiriye mu mwigimbakirwa wa Peloponnese mu majyepfo y'igihugu.

Iyi miriro yatewe n'iki?

Mu gihe cy'amezi y'ubushyuhe cy'impeshyi, imiriro ikunze kwibasira agace k'umwigimbakirwa wa Attica umurwa mukuru Athènes w'Ubugereki uherereyemo.

Iyi miriro yo muri iki cyumweru yo yatijwe umurindi n'umuyaga mwinshi.

Ibiro ntaramakuru AFP bisubiramo amagambo y'abategetsi bavuga ko iyi miriro yaba yakongejwe n'abantu bashakaga gusahura ibiri mu nzu zitakibamo abantu.

Ibindi bisa n’ibi