Afrika y'epfo ivuga ko igiye kwisubiza amatongo ata muzibukiro

Uwufise ububasha kw’isanamu Getty Images

Image caption Prezida wa Afrika y'epfo Cyril Ramaphosa

Igihugu ca Afrika kiri mu rugamba rwo gushaka guhindura ibwirizwa shingiro kugira gishobore kugaruza amatongo afiswe n'abazungu hadatanzwe umuzibukiro.

Prezida w'ico gihugu Cyril Ramaphosa yavuze ko umugambwe wa ANC uzokora uko ushoboye mu kurangiza isubirwamwo ry'ibwirizwa shingiro kugira ico gikorwa gitangure.

Ramaphosa avuga ko iyo mpinduka ikenewe cane mu guteza imbere ubutunzi muri ico gihugu mu misi iri imbere.

• Prezida musha Ramaphosa ngo Afrika Yepfo yinjiye mu "mutwenzi mushasha"
• Amatungo y'umuryango wa Gupta muri Afrika y'epfo yafashwe

Hahezi igihe hari imyidogo ku kibazo c'amatongo muri Afrika y'epfo.

Uwufise ububasha kw’isanamu Getty Images

Image caption Abarimyi bato bato barakeneye amatongo manini yo kurima

Abazungu bagize igitigiri gito c'ababa muri Afrika y'epfo ni bafise amatongo manini kandi amera.

• Ramaphosa yiyemeje gusununura ubuzima bw'abanyagihugu

Atabona neza iyo ngingo bavuga ko Afrika y'epfo ishobora kuba nk'igihugu kibanyi ca Zimbabwe aho abantu batswe amatongo ata muzibukiro.

Hafi ibice cumi kw'ijana vy'amatongo afiswe n'abazungu yarahawe abirabure kuva intwaro ya karyanishamiryango ikuwe ku butegetsi, kuri ANC kikaba ari nk'ica gatatu c'ivyo uwo mugambwe ushaka gushikako.