Agaciro ka Apple kageze kuri trillion imwe y'amadolari

Apple Uwufise ububasha kw’isanamu Getty Images

Ikigo cy'ikoranabuhanga cyo muri Amerika cya Apple cyabaye ikigo cya mbere cy'ubucuruzi agaciro kacyo kageze kuri trillion imwe y'amadolari (ni ukuvuga miliyoni imwe y'amadolari uyikubye na miliyoni imwe) ku isoko ry'imigabane.

Agaciro k'imigabane y'icyo cyigo kazamutseho gato kagera ku madolari 207 n'imiya eshanu ku isoko ry'imigabane rya New York Stock Exchange uyu munsi.

Uku kwitwara neza ku masoko y'imali kwa Apple kwatewe n'imibare y'inyungu y'amafaranga yinjije yatangajwe kuwa gatatu.

Uwufise ububasha kw’isanamu Getty Images
Image caption Telefone ngendanwa za iphone

Iki kigo cyatangiye hashize imyaka 42 gicuruza za mudasobwa.

Cyaguye ubucuruzi bwacyo cyongeraho utwuma tubika umuziki twitwa ipod muri 2001 na telefone ngendanwa ya Iphone nyuma y'imyaka itandatu.

Agaciro k'imigabane ya Apple kagiye kiyongeraho 2000% kuva aho Tim Cook atangiriye kuyobora iki kigo muri 2011 nyuma y'urupfu rwa Steve Jobs - umwe mu bagishinze.

Apple yari igiye guhomba hashize imyaka 20.

Ibindi bisa n’ibi