Chili yaciye ikoreshwa ry'amashashi mu bucuruzi

10% byonyine by'amashashi angana na miliyoni 3 n'ibihumbi 400 akoreshwa muri Chili muri mwaka, ni byo byongera gutunganywa mu nganda bigakurwamo ibindi bintu Uwufise ububasha kw’isanamu AFP
Image caption 10% byonyine by'amashashi angana na miliyoni 3 n'ibihumbi 400 akoreshwa muri Chili muri mwaka, ni byo byongera gutunganywa mu nganda bigakurwamo ibindi bintu

Chili yabaye iya mbere muri Amerika y'epfo iciye ikoreshwa ry'amashashi yo guhahiramo yari asanzwe akoreshwa cyane muri iki gihugu.

Itegeko rishya - ryashyizweho umukono n'inteko inshingamategeko ndetse rikemezwa na Perezida Sebastián Piñera - riha amaduka matomato igihe cy'imyaka ibiri ngo abe nayo amaze guca burundu ikoreshwa ry'amashashi.

Amaduka manini n'ibindi bikorwa by'ubucuruzi bukomeye, byo byahawe igihe cy'amezi atandatu ngo bibe byahagaritse gukoresha amashashi.

Hagati aho, aya maduka yemerewe gusa guha buri muntu uje guhaha amashashi abiri yo gutwaramo ibyo aguze.

Abatazakurikiza aya mabwiriza bazahanishwa gucibwa amande angana n'amadolari 370 y'Amerika.

Uwufise ububasha kw’isanamu AFP
Image caption Hashize imyaka ibinyabuzima byo mu mazi byo muri Chili no mu bindi bihugu bihazaharira kubera ikoreshwa ry'amashashi

Abahanga mu bumenyi bwa siyansi bavuga ko amashashi abangamira ibinyabuzima byo mu mazi ndetse n'ubuzima bwa muntu.

Ibindi bihugu byinshi ku isi - birimo n'u Rwanda - bivuga ko byaciye ikoreshwa ry'amashashi.

Mu kwezi kwa mbere, igihugu cya Panama cy'aha ku mugabane w'Amerika cyemeje itegeko rigabanya ikoreshwa ry'amashashi. Giha abakora ibikorwa by'ubucuruzi igihe kingana n'amezi 24 ngo babe bamaze guca neza neza ikoresha ry'amashashi.

Ibindi bisa n’ibi