Umukuru w'igihugu cy'u Rwanda Paul Kagame yarakariye abayobozi bategera abaturage bo hasi

Prezida Kagame avuga ko abayobizi bigumira mu mijyi batinya kwiyanduza Uwufise ububasha kw’isanamu Rwandan Gv
Image caption Prezida Kagame avuga ko abayobizi bigumira mu mijyi batinya kwiyanduza

Umukuru w'u Rwanda Paul Kagame yanenze bikomeye abayobozi batandukanye b'igihugu yavuze ko bategera rubanda ngo bumve ibibazo birwugarije.

Hari mu muhango wo kwakira ibyavuye mu mihigo y'abayobozi b'uturere, muri uyu muhango kandi ni nabwo habaye igikorwa cyo gusesa inteko ishingamategeko mu gihe hasigaye igihe gito ngo hatorwe abagize inteko ishingamategeko bashya.

Umukuru w'u Rwanda Paul Kagame yanenze abategetsi yavuze ko bashishikajwe n'inyungu zabo bakibagirwa abaturage bashinzwe kuyobora.

Yavuze ati: "Mwigumira mu mijyi gusa, ngo ntimushaka kwiyanduza. Uwababaza, mukora iki? Ibi bigomba guhinduka.

"Niba udashobora guhinduka, vuga ko utabishoboye waba ubaye umugabo".

Uwufise ububasha kw’isanamu Rwadna Gov
Image caption Bamwe mu bayobonzi ngo bashima kwigumira mu mijyi

Uyu muhango ni nawo wabaye uwa nyuma w'akazi ku bari bagize inteko ishingamategeko yahise iseswa n'umukuru w'igihugu kugira ngo ibise izava mu matora y'abadepite yo mu ntangiro z'ukwezi gutaha.

Ariko umukuru w'abadepite ashima ibikorwa byabo

Umukuru w'inteko ishingamategeko Donatille Mukabarisa yavuze ko abagize inteko bitwaye neza kuko bashoboye gutora amategeko 315, aka kakaba kuri we ari agahigo baciye.

Yavuze ko amategeko yatowe areba ubuzima bw'abanyagihugu ariko ngo guhindura itegeko nshinga ni cyo asanga kiri ku isonga ry'ibikorwa bikomeye byakozwe n'abadepite.

Uwufise ububasha kw’isanamu Rwandan Gov
Image caption Umukuru w'inteko ishingamategeko Donatille Mukabarisa yavuze ko abagize inteko bitwaye neza

Mu gihe we arishima, iri tegeko ryakuruye impaka nyinshi cyane, abanenga ubutegetsi bw'u Rwanda bavuga ko ubu ari uburyo bw'umukuru w'igihugu uriho bwo kugundira ubutegetsi.

Ku rundi ruhande ariko abashyigikiye iki cyemezo bo bavuga ko cyaturutse ku bushake bw'abaturage bifuje gukomeza kuyoborwa na Prezida Paul Kagame, ubu uri mu ntangiro ya manda ye ya 3 y'imyaka 7.

Ibindi bisa n’ibi