Abana b'abanywi b'itabi bafite "ibyago byinshi byo kurwara ibihaha karande" bamaze gukura

Abashakashatsi bavuga ko uburyo bwiza cyane bwo kurinda abana, ari ukureka kunywa itabi burundu Uwufise ububasha kw’isanamu Getty Images
Image caption Abashakashatsi bavuga ko uburyo bwiza cyane bwo kurinda abana, ari ukureka kunywa itabi burundu

Abashakashatsi bo muri Leta Zunze Ubumwe z'Amerika bavumbuye ko abana bahumetse umwotsi w'itabi rizwi nk'isegereti, bafite ibyago byinshi byo kurwara indwara y'ibihaha ikabahitana mu gihe bamaze kuba bakuru.

Aba bashakashatsi bavuze ko kuba abana bahumeka umwotsi w'itabi "bishobora kongera impfu 7 kuri buri bantu ibihumbi 100 mu bapfa buri mwaka ari bakuru kubera kugirwaho ingaruka n'itabi bataba batumuye ubwabo."

Ubu bushakashatsi bwakorewe ku bagabo n'abagore 70900. Bwayobowe n'ikigo cy'Amerika cyo kurwanya kanseri.

Izi mpuguke zivuga ko uburyo bwiza cyane bwo kurinda abana, ari ukureka kunywa itabi burundu.

Ubu bushakashatsi bwasanze ko niyo waba ubana n'umunywi w'itabi uri umuntu mukuru, nabwo bikugiraho ingaruka mu buzima. Izi zirimo nko kurwara indwara y'umutima, indwara y'imitsi yo mu bwonko ndetse n'ibihaha karande.

Ubu bushakashatsi bwatangajwe mu kinyamakuru cy'ubuganga cya American Journal of Preventive Medicine.

Abakoreweho ubu bushakashatsi babajijwe uburyo bagezweho n'umwotsi w'itabi mu buzima bwabo, nuko ubuzima bwabo bukurikiranwa mu gihe kingana n'imyaka 22 yakurikiye ibazwa ryabo.