Leta ya Uganda yatangaje ko ibirego bw'iyicarubozo bya Depite Bobi Wine "nta gihamya bifite"

Mu gihe cyashize, Perezida Yoweri Kaguta Museveni wa Uganda yavuze ko ibyo birego by'iyicarubozo ari "inkuru z'ibihuha" Uwufise ububasha kw’isanamu Getty Images
Image caption Mu gihe cyashize, Perezida Yoweri Kaguta Museveni wa Uganda yavuze ko ibyo birego by'iyicarubozo ari "inkuru z'ibihuha"

Leta ya Uganda yavuze ko ibirego by'iyicarubozo bya Depite Bobi Wine - umuhanzi wahindutse umunyapolitiki - "nta gihamya bifite" kandi "bitumvikana."

Wine - ubundi izina rye ry'ukuri rikaba ari Robert Kyagulanyi - avuga ko yakorewe iyicarubozo ubwo yari afunzwe n'inzego z'umutekano za Uganda. Aregwa ibirego by'ubugambanyi - ibirego ahakana.

Itangazo rya leta ya Uganda rivuga ko uwunganira mu mategeko Depite Wine "ari gukoresha amayeri yo kurangaza mu rwego rwo kumvikanisha ibirego bica igikuba, nubwo bwose bidafite gihamya, by'iyicarubozo."

Iri tangazo rya leta ya Uganda rihamagarira Wine kujyana ibirego bye mu rukiko aho bishobora "gukorwaho iperereza rinyuze mu mucyo."

Kuri ubu ari muri Leta Zunze Ubumwe z'Amerika aho yagiye kwivuriza ibikomere avuga ko yagiriye aho yari afungiye.

Ibindi bisa n’ibi