Ubufaransa bwataye muri yombi uwahoze ari "umukuru w'inyeshyamba" zo muri Liberia

42527924 - Liberia: Prezida yatowe George Weah asaba ababa hanze gutahuka Uwufise ububasha kw’isanamu Getty Images
Image caption Abantu babarirwa mu bihumbi barishwe naho abandi benshi bateshwa ingo zabo mu ntambara yo muri Liberia yo mu myaka ya 1990

Abategetsi bo mu Bufaransa ku wa gatanu bavuze ko bataye muri yombi umugabo ucyekwa kuba yari umukuru w'inyeshyamba mu ntambara ya mbere yo muri Liberia yabaye mu myaka ya 1990.

Uyu mugabo polisi y'Ubufaransa yavuze ko yahawe ubwenegihugu bw'Ubuholandi akaba ubu yitwa Kunti K, ashinjwa ibyaha byibasira inyoko-muntu.

Bivugwa ko yarwaniye umutwe wavugaga ko urwanira kubohoza Liberia ngo uyigeze kuri demokarasi, uzwi nka Ulimo mu magambo ahinnye y'Icyongereza.

Ashinjwa ibyaha by'iyicarubozo, ubwicanyi, ubucakara, gushyira abana mu gisirikare no kurya abantu.

Ntacyo aratangaza ku byo aregwa.

Abantu barenga ibihumbi 250 biciwe mu ntambara yo muri Liberia yo mu myaka ya 1990 naho abandi babarirwa mu bihumbi bateshwa ingo zabo.

Ibindi bisa n’ibi