Urukiko mpuzamahanga mpanabyaha rwakangishijwe gufatirwa ibihano n'Amerika

Abacamanza b'urukiko mpuzamakungu mpanabyaha Uwufise ububasha kw’isanamu Getty Images
Image caption ICC iri kwiga ku kuba yakurikirana abasirikare ba Amerika ku byaha byakorewe muri Afghanistani

Leta Zunze Ubumwe z'Amerika zakangishije gufatira ibihano urukiko mpuzamahanga mpanabyaha niruramuka rukomeje umugambi wo kuburanisha Abanyamerika.

Kuri ubu, uru rukiko ruri kwiga ku kuba rwaburanisha abasirikare b'Amerika ku birego byo guhohotera imfungwa muri Afghanistani.

John Bolton, umujyanama wa Perezida Donald Trump w'Amerika mu bijyanye n'umutekano w'igihugu, yavuze ko uru rukiko "rutemewe n'amategeko" ndetse asezeranya ko Amerika izakora igishoboka cyose "mu kurinda abaturage bacu."

Uwufise ububasha kw’isanamu Getty Images
Image caption Bwana Bolton yavuze ko Amerika izakora igishoboka cyose ngo irengere abaturage bayo

Amerika ni kimwe mu bihugu bibarirwa mu macumi bitari ibinyamuryango by'uru rukiko.

Uwufise ububasha kw’isanamu Reuters
Image caption Abasirikare b'Amerika bashobora kuba bakorwaho iperereza n'uru rukiko ku birego by'iyicarubozo mu buroko bwo muri Afghanistani

Uru rukiko rukora iperereza rukanacira imanza abakekwaho ibyaha bya jenoside, ibyaha byibasira inyoko-muntu, ibyaha by'intambara - rukabikora iyo ubucamanza busanzwe bwo mu bihugu binyamuryango bigaragaye ko butazaburanisha izo manza cyangwa budashobora kuziburanisha.

Rwashyizeho n'amasezerano y'i Roma mu mwaka wa 2002, rwemezwa n'ibihugu 123 birimo n'Ubwongereza.

Ibihugu bimwe by'Afurika byasabye kuva muri uru rukiko kubera icyo bifata nko kwibasira Abanyafurika.