Vichai Srivaddhanaprabha, nyir'ikipe ya Leicester City, 'yari muri kajugujugu yakoze impanuka'

Umuherwe Vichai Srivaddhanaprabha, ukomoka muri Thailand akaba atunze abarirwa muri za miliyari, yaguze Leicester City amapawundi miliyoni 39 mu mwaka wa 2010 Uwufise ububasha kw’isanamu PA
Image caption Umuherwe Vichai Srivaddhanaprabha, ukomoka muri Thailand akaba atunze abarirwa muri za miliyari, yaguze Leicester City amapawundi miliyoni 39 mu mwaka wa 2010

Inshuti ya hafi y'umuryango wa nyir'ikipe ya Leicester City ikina muri shampiyona ya Premier League mu Bwongereza, yabwiye BBC ko Vichai Srivaddhanaprabha yari muri kajugujugu yahanutse ikitura hasi ku wa gatandatu.

Iyo ndege ya kajugujugu ya nyir'ikipe ya Leicester City, yakoze impanuka ahagana ku isaha ya saa mbiri n'igice z'ijoro ku isaha yo mu Bwongereza.

Yaguye ahahagarikwa imodoka hanze y'ikibuga cy'iyi kipe ubwo yagurukaga iva ku kibuga nyuma y'umukino wa Premier League.

Umwe mu babonye iyo mpanuka iba, yavuze ko yabonye umunyezamu Kasper Schmeichel wa Leicester yiruka ava mu kibuga agana aho iyo mpanuka yabereye.

Nta mubare uzwi w'abantu bari muri iyo kajugujugu.

Uwufise ububasha kw’isanamu LIAM HOPKIN / @HOPKIN_LIAM
Image caption Umwe mu babonye iyi mpanuka iba yavuze ko yumvise "ikintu kinini cyitura hasi" nuko abona "inkongi y'umuriro"

Muri uwo mukino, Leicester yakiniraga ku kibuga cyayo cya King Power yanganyije na West Ham United igitego 1-1.

Ni umukino watangiye ku isaha ya saa kumi n'imwe n'igice urangira habura hafi nk'isaha imwe mbere yuko iyo kajugujugu ihaguruka.

Uwufise ububasha kw’isanamu PETE WHITE
Image caption Aha hari nyuma gato yuko iyi kajugujugu ya Bwana Srivaddhanaprabha yari imaze guhaguruka ku kibuga cya Leicester

Mu gihe cya Bwana Srivaddhanaprabha, ni bwo Leicester City yatwaye igikombe cya Premier League mu mwaka wa 2016.

Muri uwo mwaka w'imikino, yari yatangiye shampiyona ihabwa amahirwe agerwa ku rushyi yo kuba yakwegukana icyo gikombe.

Image caption Bamwe mu bafana ba Leicester bakomeje kugenda bashyira indabo ku kibuga King Power cy'iyi kipe

Bwana Srivaddhanaprabha - se w'abana bane - yatangajwe n'ikinyamakuru Forbes Magazine ko aza ku mwanya wa gatanu mu bantu bacyize cyane iwabo muri Thailand.