Perezida Museveni wa Uganda yemerewe kwiyamamaza na nyuma y'imyaka 75 y'amavuko

Perezida Museveni w'imyaka 74 y'amavuko, mbere ntiyari yemerewe kwiyamamaza amaze kurenza imyaka 75 y'amavuko Uwufise ububasha kw’isanamu Reuters
Image caption Perezida Museveni w'imyaka 74 y'amavuko, mbere ntiyari yemerewe kwiyamamaza amaze kurenza imyaka 75 y'amavuko

Urukiko rw'ikirenga rwa Uganda rwashyigikiye icyemezo cy'urukiko rw'itegekonshinga cyo gukuraho ikigero cy'imyaka 75 y'amavuko nk'imyaka ntarengwa umuntu aba atacyemerewe kwiyamamariza kuba perezida.

Bivuze ko Perezida Yoweri Museveni wa Uganda ufite imyaka 74 y'amavuko, ashobora kongera kwiyamamaza mu matora ateganyijwe kuba mu mwaka wa 2021.

Ku munsi w'ejo ku wa kane, abacamanza bane batoye bashyigikira umwanzuro wari wafashwe n'urukiko rw'itegekonshinga ujyanye no guhindura itegekonshinga, mu gihe batatu batoye banga uwo mwanzuro.

Mu mwaka wa 2005, manda ebyiri ntarengwa kuri perezida zakuweho, byo kwemerera Bwana Museveni kongera kwiyamamaza. Nuko atsindira manda ya gatanu mu matora yo mu mwaka wa 2016.

Abanenga Bwana Museveni wageze ku butegetsi mu mwaka wa 1986, bavuga ko iki cyemezo cy'urukiko rw'ikirenga kimufunguriye urubuga rwo kuba yaba perezida ubuzima bwe bwose.

Ibindi bisa n’ibi