Ibitero byo muri: ''Agatsiko mpuzamahanga' kashyizwe mu majwi mu bitero bya bombe

Umugabo urira ari gusengera imbere ya kiliziya yitiriwe mutagatifu Anthonny Uwufise ububasha kw’isanamu Getty Images
Image caption Umugabo urira ari gusengera imbere ya kiliziya yitiriwe mutagatifu Anthonny

Ibitero bya bombe byishe abantu 290 muri Sri Lanka ku Cyumweru byagabwe harimo ubufasha mpuzamahanga, biravugwa n'ubutegetsi.

Guverinoma ya Sri Lanka yashinje umutwe w'ubuhezanguni wa kiyisilamu, (the National Thowheeth Jama'ath) wo muri icyo gihugu kuba inyuma y'ibitero bya bombe by'ubwiyahuzi byishe abantu 290 ku Cyumweru.

Ariko umuminisitiri Rajitha Senaratne, yavuze ko uyu mutwe ugomba kuba warahawe ubufasha mpuzamahanga.

Yanahishuye ko abategetsi bari barahawe impuruza n'ibigo by'ubutasi mpuzamahanga ariko minisitiri w'intebe ntiyabwirwa.

Abantu bagera kuri 290 bahitanywe n'igitero ku masengero n'amahoteli muri Sri Lanka

Umujyanama wa perezida, Sirisena, Shiral Lakthilaka, yabwiye BBC ko hazaba iperereza rigamije kureba niba nta burangare bwo kwirara bwakozwe na guverinoma.

Yagize ati: "Twebe tuzi ko birimo gutangwa neza mu rwego rw'itangaza makuru rw'umutenao na polisi."

"Ariko ndakumenyesha ko niba hari ugushidikanya guhari kuri iki kibazo cyose, niba hari ikibura, uyu munsi perezida yashyizeho akana ko gfushgakisha ukuri kayobowe n'umucamanza n'abandi babiri kugira ngo babikurikirane."

Uwufise ububasha kw’isanamu Reuters
Image caption Abakilisitu ni nyamucye muri Sri Lanka

Ku wa Mbere habaye icyoba cyatewe n'iturika ryabaye igihe polisi yateguraga ikibombe cyari mu modsoka yakoreshejwe n'abagabye ibitero baturikije kiliziya yitiriwe mutagatifua St Anthony mu murwa mukuru Colombo.

Ibindi bisa n’ibi