Muri Amerika hari abagore n’abakobwa bigaragambije banga kuryamana n’abakunzi babo

Banze gutera akabariro n'abakunzi babo kubera itegeko ryo gukuramo inda Uwufise ububasha kw’isanamu Getty Images
Image caption Banze gutera akabariro n'abakunzi babo kubera itegeko ryo gukuramo inda

Muri Leta zunze ubumwe za Amerika hakomeje imyigaragambyo yiganjemo abagore n'abakobwa bamagana itegeko 'ribabuza' gukuramo inda, imyigaragambyo bayijyanye no mu buriri.

Mu minsi ishize Leta ya Alabama yatoye itegeko ritari risanzwe ribuza gukuramo inda ku mpamvu yindi yose uretse ishyira ubuzima bw'utwite mu kaga gusa. Ni itegeko ryishimiwe na bamwe.

Iri tegeko ariko ryarakaje abagore n'abakobwa benshi basanzwe babyemerewe, bahise batangira imyigaragambyo mu mihanda n'imbere y'inyubako z'ubutegetsi.

Imyigaragambyo mishya bayigejeje n'iwabo aho ubu abagore n'abakobwa benshi muri Amerika batari kwemerera abakunzi babo ko bakora imibonano mpuzabitsina.

Ibi byateje impaka no kwibaza. Bamwe baravuga ko ari uburyo buhejeje inguni mu kugaragaza imbaraga z'abagore, abandi bakavuga ko ari uburyo bwiza bwo kwerekana ko bashobora kugenzura imibiri yabo.

Ibindi kuri iyi nkuru