Urukiko muri Botswana rwavanyeho amategeko ahana abaryamana bahuje igitsina

Botswana yiyongereye ku bihugu nk'Afurika y'epfo (abagaragara mu ifoto ni abaho) byakuyeho amategeko ahana abaryamana bahuje igitsina Uwufise ububasha kw’isanamu AFP
Image caption Botswana yiyongereye ku bihugu nk'Afurika y'epfo (abagaragara mu ifoto ni abaho) byakuyeho amategeko ahana abaryamana bahuje igitsina

Urukiko rukuru muri Botswana rwavanyeho amategeko ahana abaryamana bahuje igitsina.

Uru rukiko rwatesheje agaciro amategeko yahanishaga igifungo cy'imyaka igera kuri irindwi abaryamana bahuje igitsina, ruvuga ko ayo mategeko anyuranyije n'itegekonshinga ry'iki gihugu.

Iki cyemezo cy'urukiko rukuru muri Botswana gitandukanye n'icyafashwe n'urukiko rukuru rwa Kenya mu kwezi gushize kwa gatanu, aho rwo rwashyigikiye itegeko rihana abaryamana bahuje igitsina.

Mu myaka ya vuba ishize, ibihugu bya Angola, Mozambique n'ibirwa bya Seychelles, byakuyeho amategeko ahana abaryamana bahuje igitsina.

Itegeko ryabahanaga ryo muri Botswana ryariho guhera mu mwaka wa 1965, rikaba ryari ryarashyizweho n'ubutegetsi bw'abakoloni b'Abongereza.

Ikirego cyo kuritesha agaciro cyatanzwe n'umunyeshuri wavuze ko umuryango mugari wahindutse, ko kuryamana kw'abahuje igitsina bisigaye byemewe ahantu henshi kurushaho.