LONI iravuga ko abantu barenga miliyoni bakeneye ubufasha bw'ihutirwa muri Cameroon

LONI ivuga ko imvururu zadutse mu gace ka Cameroon kavuga Icyongereza zateye abantu benshi guta ingo zabo Uwufise ububasha kw’isanamu Getty Images
Image caption LONI ivuga ko imvururu zadutse mu gace ka Cameroon kavuga Icyongereza zateye abantu benshi guta ingo zabo

LONI iravuga ko abantu bagera kuri miliyoni n'ibihumbi magana atatu bakeneye ubufasha bw'ingoboka yihuta mu bihe bikomeje kumera nabi cyane mu majyaruguru y'uburengerazuba b'amajyepfo y'uburengerazaba bwa Cameroon.

Umuryango w'Abibumbye uravuga ko abantu bagera ku 1.300 bavuye mu byabo mu cyumweru gishize kandi ko ibitero bagabweho byavuyemo impfu z'abasivile, ingo nyinshi zigatwikwa ndetse hakaba no gusahura imitungo y'abantu.

Farhan Haq, umuvugizi wungirije w'umunyamabanga mukuru wa LONI, Antonio Guterres, yatangaje ko muri utwo duce tubiri "ibintu bikomeje kurangwa n'ihonyora ry'uburenganzira bwa kiremwamuntu".

Yavuze ko n'ubwo hakenewe ubufasha ku buryo bugaragara, Cameroon ni hamwe mu hantu hatitabwaho mu bufasha ku isi.

Imirwano n'imvururu bibera mu duce twa Cameroon tuvuga Icyongereza byatumye abantu barenga ibihumbi magana atanu bahunga kuva muri 2016.

Abashaka ko aka gace kitandukanya na leta ngari ya Cameroon, bagashinga iyabo yigenga yitwa Ambazonia.

Mu rugendo rwe yagiriye muri ako gace mu kwa Gatanu, umuyobozi w'ishami rya LONI rishinzwe uburenganzira bwa kiremwamuntu, Michelle Bachellet yatanze impuruza avuga ko ibintu biri kugenda bimera nabi cyane kandi birenga igaruriro.

Ibindi bisa n’ibi

Ibindi kuri iyi nkuru