Urubanza rw'umukuru w'abayislamu b'abashia muri Nigeria rwasubitswe

Abasaba ko Zakzaky arekurwa Uwufise ububasha kw’isanamu Getty Images
Image caption Abasaba ko Zakzaky arekurwa

Ibrahim El- Zakzaky arashinjwa ibirego birimo gukora amakoraniro atemewe n'amategeko.

Yatawe muri 2015 nyuma gato y'uko abayoboke be bagera kuri 300 biciwe n'igisirikare.

Yatawe muri yombi akekwaho kugerageza kwica ndetse no kubangamira amahoro.

Iburanisha ry'uyu munsi ni ikibazo gishingingiye ku mategeko kimaze igihe kirekire ku muyobozi w'amuryango w'abayisilamu b'abashia bo muri Nigeria, Ibrahim Zakzaky.

Abunganizi ba Ibrahim Zakzaky barasaba ko arekurwa kugira ngo ajye kuvurirwa hanze y'igihugu.

Abayoboke be baravuga ko amaze gufatwa kabiri n'indwara ya stroke kuva yafungwa kandi ngo arimo kugenda ahuma buhoro buhoro.

Abo bayoboke bamaze gukora imyigaragambyo inshuro nyinshi mu mujyi wa Abuja.

Kenshi imyigaragambyo yabo irangira ibayemo imvururu.

Uwufise ububasha kw’isanamu AFP
Image caption Ibiro bya Perezida Buhari biravuga ko bitagamije kubuza abashia gukurikiza ibyo bemera.

Mu cyumweru gishize hari umupolisi n'umunyamakuru biciwe muri yo myigaragambyo.

Uwo muryango w'abashia bo muri Nigeria uravuga ko nawo watakaje abayoboke bawo makumyabiri.

Mu butumwa bwanyujijwe ku rubuga nkoranyambaga rwa Twitter, ibiro by'umukuru w'igihugu biravuga ko bitagamije kubuza abashia gukurikiza ibyo bemera.

Ngo ikigamijwe n'ukurwanya imvururu no kwangiza ibikorwa bifitiye akamaro abaturage.

Imiryango iharanira uburenganzira bw'ikiremwamuntu ikunze kwamagana ingufu zikoreshwa n'abapolisi.

Mu mwaka wa 2016, urukiko rukuru rwa Abuja rwategetse ko Ibrahim Zakzaky arekurwa ariko urukiko rw'intara rwanga kubahiriza icyo cyemezo.

Ibindi bisa n’ibi