Ikiganiro ku myaka 25 BBC Gahuzamiryango imaze ibayeho
Ntibishobora gukina mu cuma cawe

Imvo n'Imvano ku myaka 25 BBC Gahuzamiryango imaze ibayeho

Mwaramukanye amahoro mwese muteze amatwi Imvo n'Imvano yo kuri uyu wa gatandatu tariki 28 y'ukwa 9 mu 2019.

Nkuko mwabyumvise mu makuru yacu y'iki cyumweru cyose, muri uku kwezi kwa 9 ni bwo BBC Gahuzamiryango yizihije imyaka 25 imaze itangiye. Yatangiye mu 1994 ishakisha abantu batandukanye n'abavandimwe babo kubera jenoside yari imaze kuba mu Rwanda hamwe n'intambara zari mu karere k'ibiyaga bigari. Izina Gahuzamiryango ninaho ryavuye, kwari uguhuza imiryango.

Abarihimbye turi kumwe muri iki kiganiro, barabidusobanurira neza. BBC Gahuzamiryango rero yatangiye ari ikiganiro cy'iminota 15, iza kwongerwaho iyindi 15 iba igice cy'isaha. Mu mwaka w'i 2000, BBC Gahuzamiryango yatangije ikiganiro Imvo n'Imvano, icyo gihe Abarundi bari mu mishyikirano y'amahoro i Arusha muri Tanzaniya. Imvo n'Imvano yatangiye ari iminota 30, abakunzi bayo basaba ko twayongerera iminota, iza kuba isaha imwe, kugeza n'aya magingo.

Ese iyi myaka 25 isigiye iki BBC Gahuzamiryango? Isigiye se iki abakunzi bayo? Uretse kumenya aho ivuye se, aho iri ubu n'aho igana ho hifashe hate?

Ibyo ni byo tugiye kuganiraho muri iki kiganiro.

Abatumire bacu ni Ally Yusufu Mugenzi, umuyobozi w'ishami rya BBC Gahuzamiryango, we hamwe na Faith Niyindeba na Karenga Ramadhan batangije BBC Gahuzamiryango babisabwe n'uwari umuyobozi w'ishami ry'Igiswayile, Neville Harms.

Iki kiganiro mwagiteguriwe kandi murakigezwaho na Félin Gakwaya.