Zinedine Zidane yarakaje PSG kubere ibyo yavuze kuri Kylian Mbappe

Mbappe yatsindiye igikombe cy'isi ari kumwe n'ikipe y'igihugu y'Ubufaransa mu mwaka ushize wa 2018 Uwufise ububasha kw’isanamu Getty Images
Image caption Mbappe yatsindiye igikombe cy'isi ari kumwe n'ikipe y'igihugu y'Ubufaransa mu mwaka ushize wa 2018

Umuyobozi ushinzwe imikino mu ikipe ya Paris Saint-Germain (PSG) yanenze amagambo umutoza Zinedine Zidane wa Real Madrid yavuze kuri rutahizamu Kylian Mbappe wa PSG.

Zidane yavuze ko Mbappe w'imyaka 20 y'amavuko afite "inzozi zo gukinira Real Madrid".

Asubiza kuri ayo magambo ya Zidane, Leonardo ushinzwe imikino muri PSG yagize ati: "Ntabwo ari ubwa mbere ibi bibaye".

"Kylian ni umukinnyi w'ingenzi cyane kuri twe. Ubu si igihe cyo kumubuza umutuzo".

PSG izakina na Real Madrid mu mukino wayo ukurikira wo mu itsinda wa Champions League ku itariki ya 26 y'uku kwezi kwa cumi na kumwe.

Iyi kipe yo mu Bufaransa yamaze kubona itike yo kujya mu cyiciro cyo gukuranamo cy'iri rushanwa nyuma yo gutsinda Club Bruges igitego 1 - 0 ku wa gatatu.

Ubu PSG iyoboye itsinda A n'amanota 12, mu gihe Real ari iya kabiri n'amanota arindwi.

Leonardo yongeyeho ati: "[Mbappe] ni umukinnyi usigaje igihe cy'imyaka ibiri n'igice kuri kontaro dufitanye, rero kuvuga ku byo ashaka, 'inzozi' ze, buri gihe...iyaba twari duhagaritse iki kiganiro..."

Ibindi bisa n’ibi