Ikiganiro ku ngoro ndangamurage yo mu Bubiligi y'ivyavuye muri Afrika yo hagati mu gihe c'ubukoloni
Ntibishobora gukina mu cuma cawe

Ikiganiro ku ngoro ndangamurage yo mu Bubiligi ibitse ivyanyazwe muri Afrika yo hagati mu gihe c'ubukoloni

Muri iyi Imvo n'Imvano Felin Gakwaya, abashikana mu Bubiligi mu ngoro ndangamurage y'Afrika yo hagati, iherutse kuvugururwa kubera ubusabe bw'abanyecongo, abarundi n'abanyarwanda, bifuje ko yagira isura nziza y'ibiyimurikirwamo byakuwe mu bihugu byabo igihe cy'ubukoloni. Muribyo hari amafoto, ibinyamakuru, ibitabo, ibikoresho by'i bwami, imitako, ibinyobwa, imyaka, amatungo, imyenda n'ibindi. Byose hamwe bigera ku bihumbi 120.

Iyo ngoro yatangijwe hamaze kuba imurikwa ryari ririmo abirabura b'abanyecongo mu 1897, bari bazanywe nk'abacakara, bageze mu Bubiligi, abakoloni bari babazanye babamurika mw'imurika ryari ribaye muri icyo gihugu kugirango abazungu barebe umwirabura uko asa. Icyo gihe bamuritse abanyecongo bagera kuri 267, inyamaswa, ibihingwa n'ibiti bari bakuye muri Congo.

Ni muri ubwo buryo, ibintu bari bazanye bakuye muri Congo, batekereje ko bagomba kubishyira mu bubiko, bituma bubaka ingoro ndangamurage mu nkengero z'umujyi wa Buruseli, mu gace bita Tervuren. Yubatswe ku madolari y'amerika agera kuri miliyoni 60. Leta ya Congo yashatse ukuntu yagaruza ibintu byayo, maze ibanza kwubaka ingoro ndangamurage ifite uburyo bwo kubika ibintu bugezweho, kuburyo abayobozi b'ingoro yo mu Bubiligi bayishimiye bavuga ko biteguye kuganiro n'abategetsi ba Congo, bakumvikana uko babaha ibintu byabo.

Muri kino kiganiro turareba ibibitse mu bubiko bwo mu ngoro ndangamurage yo mu Bubiligi, tunabaze impamvu bidasubizwa mu bihugu byabyo, n'icyahindutse muri iyo ngoro yo mu Bubiligi, kuburyo bishobora gufasha banyirabyo kubibona nubwo bitarajyanwa iwabo.

Felin Gakwaya aganira n'abatumire b'Imvo n'imvano: Docteur Dantes Singiza na Emelyne Uwizeyeimana bakomoka mu Rwanda, hamwe na Docteur Libérat Ntibashirakandi akomoka mu Burundi,