Coronavirus: Cameroon yatangaje umurwayi wa mbere

Ibaye igihugu cya kane cyo munsi y'ubutayu bwa Sahara gitangaje umuntu wa mbere wanduye coronavirus

Ahavuye isanamu, Getty Images

Insiguro y'isanamu,

Ibaye igihugu cya kane cyo munsi y'ubutayu bwa Sahara gitangaje umuntu wa mbere wanduye coronavirus

Minisitiri w'ubuzima muri Cameroun amaze gutangaza umuntu wa mbere wanduye coronavirus muri icyo gihugu.

Dr Manaouda Malachie, Minisitiri w'ubuzima wa Cameroun, yavuze ko uwo murwayi ari Umufaransa w'umugabo w'imyaka 58 y'amavuko wageze mu murwa mukuru Yaoundé ku itariki ya 24 y'ukwezi gushize kwa kabiri.

Ubu yashyizwe ahantu ha wenyine ku bitaro bikuru bya Yaoundé.

Cameroun ibaye igihugu cya kane cyo munsi y'ubutayu bwa Sahara gitangaje umuntu wa mbere wanduye coronavirus, nyuma ya Nigeria, Sénégal na Afurika y'epfo.