Uganda: Umwana w’amezi 8 ari mu barwayi 5 bashya banduye Covid-19

Abanya Uganda i Kampala barimo barakaraba mu kwirinda Covid-19 Uwufise ububasha kw’isanamu Getty Images
Image caption Kugeza ubu muri Uganda hari abarwayi 14 bose hamwe ba Covid-19

Leta ya Uganda yemeje abarwayi batanu bashya banduye coronavirus, barimo n'umwana w'amezi umunani ufite se uherutse gusubira muri Uganda avuye i Kisumu muri Kenya.

Umwe muri abo barwayi ni umugabo wo muri Uganda w'imyaka 57 y'amavuko, wo mu mujyi wa Adjumani mu majyaruguru y'igihugu, utari warigeze asohoka mu gihugu.

Babiri muri abo banduye ni Abashinwa kuri ubu bafunze nyuma yo gutoroka akato bakanagerageza guhungira muri Repubulika ya Demokarasi ya Kongo.

Undi umwe ni umugabo ukomoka muri Uganda uherutse kujya mu Budage.

Kugeza ubu muri Uganda hari abarwayi 14 bose hamwe ba Covid-19.

Nkuko bitangazwa na minisiteri y'ubuzima muri Uganda, uwo mwana w'amezi umunani ni umukobwa.

Arimo kuvurirwa mu bitaro bya Iganga, biri mu ntera irenga kilometero 100 mu burasirazuba bw'umurwa mukuru Kampala.

Ibindi kuri iyi nkuru