Congo-Brazzaville: Perezida Sassou Nguesso yatsinze amatora ku bwiganze bw'amajwi

Perezida Sassou Nguesso amaze imyaka 37 ku butegetsi

Ahavuye isanamu, Getty Images

Insiguro y'isanamu,

Perezida Sassou Nguesso amaze imyaka 37 ku butegetsi

Perezida Denis Sassou Nguesso yongeye gutorerwa gutegeka Congo-Brazzaville ku bwiganze bw'amajwi 89%, nkuko byatangajwe na minisitiri w'ubutegetsi bw'igihugu.

Uwari umukandida ukomeye mu batavuga rumwe n'ubutegetsi Guy Brice Parfait Kolélas, wapfuye ku cyumweru, yagize amajwi 8%. Yari arwaye Covid-19.

Perezida Sassou Nguesso, w'imyaka 77, amaze imyaka 37 ku butegetsi.

Ari ku butegetsi kuva mu mwaka wa 1979, usibye imyaka itanu gusa yabuvuyeho nyuma yo gutsindwa amatora mu 1992.