Imvo n'Imvano ku bitekerezo by'abatwandikiye: Amatora ya Uganda, amasezerano y'ubumwe mu Burundi, Magufuli

Imvo n'Imvano ku bitekerezo by'abatwandikiye: Amatora ya Uganda, amasezerano y'ubumwe mu Burundi, Magufuli

Mwaramukanye amahoro mwese muteze amatwi Imvo n'Imvano yo kuri uyu wa gatandatu tariki 22 y'ukwa gatanu mu 2021. Uyu munsi kandi turakomeza guha umwanya abatwandikiye bifuza gutanga ibitekerezo ku biganiro twabagejejeho.

Turaha umwanya abifuza gutanga ibitekerezo ku kiganiro twabagejejeho ku itariki ya 22 y'ukwezi kwa mbere muri uyu mwaka, ikiganiro cyavugaga ku matora yabaye muri Uganda.

Muri icyo kiganiro, abatumire bacu bari Andrew Mugisha wo mu ishyaka NRM riri ku butegetsi, Barnabas Bishaka wo mu ishyaka DP ritavuga rumwe n'ubutegetsi, hamwe na Bernard Sabiti, umusesenguzi.

Hari n'abashatse gutanga ibitekerezo mu biganiro twabagejejeho ku itariki 13 na 20 z'ukwezi kwa kabiri muri uyu mwaka, ikiganiro cyavugaga ku myaka 30 u Burundi bwari bumaze bwizihije amasezerano y'ubumwe bw'Abarundi.

Icyo gihe, abatumire bacu bari Adrien Sibomana, wabaye umushikiranganji wa mbere uvuye muri ubwo bushake bwo gushyiraho amasezerano y'ubumwe bw'Abarundi, twari kumwe na Cyprien Mbonimpa wabaye umushikirangaji w'imibano n'amahango muri iyo leta yari iyobowe na Adrien Sibomana.

Undi twari kumwe ni Agathon Rwasa, umukuru wa CNL, umugambwe utavuga rumwe n'ubutegetsi buriho ubu mu Burundi, akaba yari muri PALIPEHUTU icyo gihe amasezerano y'ubumwe bw'Abarundi ashyirwaho.

Twari kumwe kandi na Léonce Ngendakumana wo muri Sahwanya-FRODEBU, umugambwe nawo utavuga rumwe n'ubutegetsi buriho ubu mu Burundi, icyo gihe hashyirwaho amasezerano y'ubumwe bw'Abarundi uwo mugambwe wakoreraga mu kinyegero, ariko naho ugiriye ahagaragara ntiwemeraga ayo masezerano.

Hari kandi n'abashatse gutanga ibitekerezo mu kiganiro twabagejejeho ku itariki 27 y'ukwezi kwa gatatu muri uyu mwaka, cyavugaga ku rupfu rw'uwahoze ari umukuru wa Tanzania, John Pombe Magufuli, wapfuye ku itariki 17 y'ukwezi kwa gatatu. Leta ya Tanzania yavuze ko Bwana Magufuli yishwe n'indwara y'umutima, afite imyaka 61.

Abatumire bacu bari Baraka Evat Marembo wari mu mujyi wa Tabora mu ntara ya Tabora, akaba ashyigikiye ibitekerezo by'abakebura leta ya Tanzania, twari kumwe kandi na Alfred Bishundu, wari mu mujyi wa Kahama mu ntara ya Shinyanga, we ashyigikiye ishyaka riri ku butegetsi rya CCM.

Iki kiganiro mwagiteguriwe kandi murakigezwaho na Félin Gakwaya.