Champions League: Chelsea v Lille, Man Utd v Atletico, Man City v Sporting, Liverpool v Inter

Chelsea isanganywe igikombe izokina na Lille yo mu cicaro ca mbere mu Bufaransa mu migwi 16 isigaye muri Champions League inyuma y'itomboza ry'ingene zizokuranamwo ryabaye ubugira kabiri.

"Ingorane y'ubuhinga" yari yatumye haba ikosa mw'itomboza rya mbere, Uefa ikaba yaciye ivuga ko ribaye impfagusa.

Manchester United izohura na Atletico Madrid isanganywe igikombe ca La Liga nayo Manchester City ifise igikombe ca Premier League ikazokina na Sporting Lisbon yo muri Portugal.

Liverpool imaze gutwara ico gikombe incuro 6 izohura na Inter Milan imaze kugitwara 3.

Real Madrid imaze gutwara ico gikombe 13 yaguye kuri Paris Saint Germain yo mu Bufaransa ifise abakinyi ba rututura cane muri iki gihe.

Ingene imigwi izohura mu gice ca 16 gishira ica nyuma:

Red Bull Salzburg v Bayern Munich

Sporting Lisbon v Manchester City

Benfica v Ajax

Chelsea v Lille

Atletico Madrid v Manchester United

Villarreal v Juventus

Inter Milan v Liverpool

PSG v Real Madrid