Raporo ya ONU ku bwicanyi bwo muri DRCongo

Impunzi z'abahutu mu nkambi ya Kibumba muri 1994
Image caption Impunzi z'abahutu mu nkambi ya Kibumba muri 1994

Umuryango w'abibumbye wasohoye icyegeranyo ku bwicanyi bwakorewe muri republika iharanira demokrasi ya Congo mu myaka 10 ishize.

Icyo cyegeranyo kiravuga ko ubwicanyi bwakorewe impunzi z'abahutu n'abasirikare b'u Rwanda bushobora kuba jenoside byemejwe n'urukiko.

Kiravuga ko ubwicanyi bw'ibihumbi bw'impunzi bwakozwe k'ubushake kandi bwakorewe ahantu hanyuranye.

Icyo cyegeranyo kirarega ibindi bihugu 5,Uganda, Burundi, Angola, Zimbabwe na Chad ko nabyo byagize uruhare mu bwicanyi bw'Abahutu.

Icyo cyegeranyo kiravuga ahantu harenga 600 hakorewe ubwicanyi hagati ya 1993 na 2003, icyegeranyo kirasaba leta ya Congo gushakisha uburyo bwo kurega abakoze ibyo byaha no gufasha abarokotse.

Uhagarariye Urwanda mu Bwongereza, Ernest Rwamucyo, yamaganye icyo cyegeranyo avuga ko cyakoranywe ubuswa kandi ko cyuzuyemo ibinyoma.