Victoire Ingabire yafashwe

Victoire Ingabire
Image caption Victoire Ingabire yafashwe

Victoire Ingabire, umuyobozi w'umutwe FDU INKINGI yafashwe na polisi y'u Rwanda, araregwa ibyaha birimo kurema umutwe w'iterabwoba ugamije guhungabanya umudendezo w'igihugu.

Umuvugizi wa polisi, Eric Kayiranga, yabwiye BBC ko Ingabire yafashwe uyu munsi, ibyaha ashinjwa birimo kugura no gutanga intwaro k'umutwe w'iterabwoba witwa Coalition of Democratic Forces- CDF.

Kayiranga yavuze ko Ingabire yakoranaga na Major Vital Uwumuremyi, umusirikare wo muri FDLR wafatiwe ku mupaka w'u Rwanda na Congo ejo, ngo Uwumuremyi yari asanzwe akorera muri Congo.Bombi bafungiwe kuri polisi ya Kicukiro.

Yavuze ko ikibazo kiracyari mu rwego rw'iperereza, ngo bazashyikirizwa ubushinja cyaha, bagenzwe imbere y'urukiko.

Ibi birego ni byishya kuri Ingabire wari usanzwe afite ibirego byenda gusa nk'ibyo ariko akaba yari yaremerewe n'urukiko ko yaba ari hanze mu gihe atagereje kuburanishwa.