Perezida Kagame mu muryango w'ubumwe bw'Uburayi

Perezida Paul Kagame
Image caption Perezida Paul Kagame

Amakuru yatangajwe n'amateleviziyo yo mu Bubirigi harimo na televiziyo ya leta RTBF yavuze ko ministri w'intebe w'Ububirigi -Yves Leterme - adashobora kwakira Perezida Paul Kagame kubera ko afite akazi kenshi.

Igihugu cy'ububirigi ubu nicyo kiyobora umuryango w'ubumwe bw'ibihugu by'iburayi ari nawo watumiye Perezida Paul Kagame. Perezida w'Urwanda yaje i Buruseli mu rwego rw'iminsi umuryango w'ubumwe bw'ibihugu by'iburayi wahariye amajyambere.

Uyu munsi yagombaga kuvuga ijambo mu nama y'itsinda rivuga ku bibazo by'abari n'abategarugori.

Ariko siko byagenze, kuko kubera impamvu zitatangajwe iryo jambo ryavuzwe na ministri w'ububanyi n'amahanga w'Urwanda, Louise Mushikiwabo.

Perezida Kagame yabonanye na Perezida w'akanama k'umuryango w'ubumwe bw'ibihugu by'iburayi Jose Manuel Baroso.

I Buruseli habaye kandi imyigaragambyo y'abarwanya Perezida Kagame ndetse n'iya bamushyigikiye.