AbanyaKenya 6 bararegwa ubwicanyi na ICC

Luis Moreno Ocampo
Image caption Umushinjacyaha mukuru wa ICC, Luis Moreno Ocampo.

Umushinjacyaha mukuru w'urukiko mpuzamahanga mpanabyaha Luis Moreno Ocampo amaze gutangaza amazina y'abanyaKenya 6 avuga ko aribo bari inyuma y'ubwicanyi bwahitanye abantu barenze 1200 abarenze 500, 000 bakava mu byabo nyuma y'amatora yo muri 2007.

Bwana Ocampo yasabye urukiko kubarega ibyaha byibasira inyoko muntu, birimo ubwicanyi, gushyira ku ngoyi no gufata abagore ku ngufu.

Muribo harimo uwahoze ari ministri w'uburezi William Ruto, Bwana Ocampo arega kuba ariwe wari uhagarariye ubwicanyi ku ruhande rw'abatavuga rumwe na leta.

Ku ruhande ku ishyaka riri ku butegetsi haravugwa uwungirije ministri w'intebe Uhuru Kenyatta n'uwahoze ari umukuru wa polisi Hussein Ali.

Abo bose urukiko rwa ICC rugiye gukurikirana baravuga ko ari abere.