Real Madrid yatakaje amanota

Umukino w'ikipe ya Almeria na Real Madrid ku wa 16/01/11
Image caption Umukino w'ikipe ya Almeria na Real Madrid ku wa 16/01/11

Ikipe ya Real Madrid ya kabiri ku rutonde rwa shampiyona ya Espagne yaraye itakaje amanota 2 yari gutuma ikomeza kuba hafi ya FC Barcelone nyuma yo kunganya na Almeria 1-1.

Christiano Ronaldo, Kaka na bagenzi babo bakoze ibishoboka byose ariko ntibashobora gutahana amanota 3.

Almeria ni yo yabonye igitego cya mbere ku munota wa 60 ntawabikekaga mbere y'uko Granero yishyurira Real Madrid ku munota wa 77.

Ukunganya kwa Real Madrid kwatumye FC Barcelone itanga umwitangirizwa imbere ya Real Madrid.

Kuri ubu Barca ni iya mbere n'amanota 52 na ho Real Madrid ikayikurikira ku mwanya wa 2 n'amanota 48.

Ibibazo bya Real Madrid bishobora kurushaho gukomera nyuma yo kuvunika kwa Gonzalo Huguain.

Kuri ubu Real irasa n'idafite rutahizamu yizeye kuko Karim Benzema usigaye ataremeza umutoza we ko yaziba iki cyuho.

Ibi kandi bibaye mu gihe mukeba FC Barcelone yo ifite ba rutahizamu bakomeye cyane nka Lionnel Messi na David Villa.

.