Ijambo rya Mubarak kuri televiziyo

Perezida Hosni Mubarak Uwufise ububasha kw’isanamu Reuters
Image caption Perezida Hosni Mubarak

Televiziyo la leta ya Misiri iravuga ko Perezida Hosni Mubarak ari buvuge ijambo muri iri joro.

Iryo tangazo rya televiziyo ryashyizwe ahagaragara abategetsi bakomeye bamaze gutangaza ko hari ibintu bikomeye bigiye guhinduka.

Hashize akanya iyo televizyo yerekanye amashusho ya Perezida Mubarak aganira na Omar Suleiman, visi perezida w'icyo gihugu. mu ngoro y'umukuru w'igihugu i Kayiro.

Hagati aho, ministiri w'intebe, Ahmed Shafiq, yabwiye BBC ko igitekerezo cya Perezida Mubarak kwegura kirimo kuganirwaho.

Umunyamabanga mukuru mushya w'ishyaka riri k'ubutegetsi, Hossam Badawi, yavuze ko igikorwa kiboneye kuri perezida Mubarak ari ukwegura, yavuze ko atizeye ko kuwagatanu Perezida Mubarak azaba akiri perezida.

Abasirikare bakuru bahuye na perezida Mubarak bavuze ko barimo kwiga ibyemezo bikenewe mu kubumbatira igihugu no gushyigikira ibyifuzo by'abaturage.