Misiri:Hosni Mubarak yeguye

Imyigarambyo mu Misiri Uwufise ububasha kw’isanamu AP
Image caption Imyigarambyo mu Misiri

Perezida Hosni Mubarak wa Misiri yeguye nyuma y'ibyumweru birenga bibiri mu gihugu cye hakorwa imyigaragambyo yo kumwamagana, nyuma y'amasaha atarenga 24 atangaje ko adashobora kwegura.

Amakuru yo kwegura kwe yakiranywe impundu n'imbaga y'abaturage bari mu kibuga cya Tahrir mu mujyi wa Kayiro

Visi perezida, Omar Suleiman, yavuze ko ububasha bwa Mubarak bwafashwe n'inama nkuru ya gisirikare.

Mu gihe ubutegetsi bwa gisivili bwashyizwe iruhande, umunyamakuru wa BBC uri i Kayiro aravuga ko bigaragara cyane ko igisirikare cyafashe ubutegetsi.

Yavuze ko aho ibintu bigana hadasobanutse neza.