Uburusiya:Ibitero kuri Libya birenze ububasha bwatanzwe na LONI

Inyeshyamba zo muri Libya Uwufise ububasha kw’isanamu Reuters
Image caption Inyeshyamba zo muri Libya

Minisitiri w'ububanyi n'amahanga w'uburusiya, Sergei Lavrov, yavuze ko bimwe mu bitero by'indege z'amahanga ku ngabo za leta ya Libya birenze gucungera umutekano w'abaturage, ngo n'ukwivanga mu ntambara y'abanyalibya.

Mu ijambo yavuguye i Moscow, Bwana Lavrov yavuze ko ibitero by'indege bifasha abitwaje intwaro barwanya leta ya Libya, ngo ibyo ntabwo bishyigikiwe n'umuryango w'abibumbye.

Libya nayo iravuga ko ibyo bitero birenze icyemezo cya LONI cyo gucungera umutekano w'abaturage.

Hagati aho, leta ya Qatar yemeye ku mugaragaro umutwe w'inyeshyamba zirwanya perezida Gaddafi, "Libyan National Council" ko ariwo uhagarariye inyungu z'abaturage ba Libya.

Leta ya Qatar ibaye iya kabiri, nyuma y'ubufaransa, yemeye ku mugaragaro uwo mutwe w'inyeshyamba.