Visi ministiri w'intebe wa Kenya mu rukiko i La Haye

Luis Moreno-Ocampo, umshinjacyaha mukuru Uwufise ububasha kw’isanamu Reuters (audio)
Image caption Luis Moreno-Ocampo, umshinjacyaha mukuru

Uwungirije minisitiri w'intebe wa Kenya, Uhuru Kenyatta, yitabye urukiko mpuzamahanga mpanabyaha rukorera i La Haye, araregwa kugira uruhare mu mvururu zavutse nyuma y'amatora yo muri 2007, abandi banyakenya 3 bari imbere y'urwo rukiko ejo, (kuwakane).

Uhuru Kenyatta n'umuhungu wa perezida wa mbere wa Kenya, Jomo Kenyatta.

Ubu Uhuru Kenyatta n'icyegera cya ministiri w'intebe akaba na ministiri w'imari.

Hari Abanyakenya bake batekerezaga ko bishoboka ko Uhuru Kenyatta ashobora guhagarara imbere y'abacamanza.

Hashize imyaka myinshi abanyapolitiki bo muri Kenya batabazwa ibyo bakoze.

Uhuru Kenyatta araregwa ko yateguye umutwe w'abaturage wo kwirwanaho.

Uwo mutwe uraregwa ko wagabye ibitero nyuma y'amatora yo muri 2007.

Uwari umukuru wa polisi icyo gihe, hamwe n'umukuru w'abakozi ba leta nabo bararegwa ko bagize uruhare muri izo mvururu, nabo barahakana ibyo baregwa.

Izi manza zo ku rukiko mpuzamahanga rw'i La Haye, zishobora guhindura politiki yo muri Kenya mu gihe barimo kwitegura amatora mu mwaka utaha.

Uhuru Kenyatta afite inyota yo kuba perezida wa Kenya.