Osama bin Laden yapfuye

Osama bin Laden
Image caption Osama bin Laden

Osama bin Laden, washinze umutwe w'al Qaeda, yihitanywe n'absairikare kabuhuriwe b'abanyamarika.

Perezida Obama yatangaje ko yiciwe muri Pakistani.

Abategetsi b'Amerika baravuga ko ikigo cy'ubutasi cy'amerika-CIA- cyakurikiranye uwo muyobozi w'al Qaeda aho yari atuye mu nzu ikijijwe n'uruzitiro rurerure mu mujyi wa Abbottabad, mu majyaruguru ya Islamabad.

Bavuze ko kajugujugu 4 zatwaye abasirikare kabuhariwe mu kurwanya ibyihebe.

Amakuru aravuga ko mu mirwano yahabreye, bin Laden yarashwe ku mutwe, haguye kandi abandi bantu 3 barimo umwe mu bahungu ba bin Laden.

Ababonye uko byagenze bavuze ko imwe muri izo kajugujugu yaguye.

Ayo makuru akimenyekana, Abanyamerika bari mu byishimo babarirwa mu bihumbi, bahise banjya kuri "Ground Zero" ahahoze "World Trade Centre" aho abantu bagera kuri 300 bishwe n'umutwe w'Al-Qaeda muri 2001.

Abo bantu bavuzaga impundu, babyina, bitwaje amabendera y'amerika, baririmba n'indirimbyo yubahiriza igihugu, mu yindi mijyi y'amerika, naho habereye ibirori nk'ibyo.

Perezida Obama yavuze ko amaherezo ubutabera bugezweho, naho George W.Bush, wari perezida w'Amerika ubwo al-Qaeda yateraga, yavuze ko iyicwa rya bin Laden ari igikorwa gikomeye.

Abayobozi banyuranye ku isi nabo bahise bagaragaza ibitekerezo byabo ku rupfu rwa bin Laden.

Perezida w'Ubufaransa, Nicolas Sarkozy, yashimiye Abanyamerika ku ngufu bashyize mu gushakisha Osama bin Laden, yavuze ko urupfu rwa bin Laden ari intambwe ikomeye mu kurwanya iterabwoba ku isi.

Ubwongereza bwashimye icyo gikorwa, ministiri w'intebe, David Cameron, yavuze ko ariko ibyo bitavuga ko intambara y'intagondwa irangiye.

Uburusiya bwavuze ko urupfu rwa bin Laden ari igikorwa cy'ingenzi.