Ratko Mladic ntacyo yavuze ku byaha aregwa birimo jenoside

Jenerali Ratko Mladic Uwufise ububasha kw’isanamu AFP
Image caption Jenerali Ratko Mladic

Uwari umuyobozi w'ingabo z'Abaserb bo muri Bosniya, Ratko Mladic, yagejejwe imbere y'urukiko rw'umuryango w'abibumbye rukorera i La Haye.

Yanse kwemera cyangwa guhakana ibyaha aregwa birimo jenoside yakorewe mu ntambara yo muri Bosniya muri za 90.

Jenerali Mladic yabwiye urukiko ko akeneye igihe kugira ngo ashobore gusobanukirwa neza ibyaha aregwa.

Mladic yavuze mu ijwi ritameze neza, abwira urukiko ko arwaye cyane.

Urubanza rwasubitswe kugeza mu ntangiriro z'ukwezi gutaha.

Mladic yafashwe mu cyumweru gishize n'abapolisi bo muri Serbia, ajyanwa i La Haye ku wa gatatu.