Abanyasiriya benshi barahungira muri Turkiya

imyigaragambyo muri Syriya Uwufise ububasha kw’isanamu none
Image caption imyigaragambyo muri Syriya

Minisitiri w'intebe wa Turkiya, Recep Tayyip Erdogan, aravuga ko igihugu cye kitazakumira impunzi z'abanyasiriya zihungira mu gihugu cye kubera imvururu zikomeje kwiyongera muri icyo gihugu.

Bwana Erdogan yavuze ko akomeje gukurikirana ibibera muri Syriya n'impungenge nyinshi.

Yasabye Perezida Assad gushyira mu bikorwa ibyo yemeye kuvugurura byemewe n'abaturage ba Syriya.

Umunyamakuru wa BBC uri ku mupaka wa Turkiya na Syriya aravuga ko muri iryi minsi imodoka zitwara abarwayi zo muri Turkiya zirambuka umupaka zija muri Syriya zikagarukana inkomere zo ku ruhande rurwanya leta.

Aravuga ko muri Syriya abatrurage bamaze gushinga inkambi babamo kubera ubwoba bw'uko amazu yabo ashobora guterwa n'igisirikare cya Syriya.

Zimwe muri izo mpunzi ziravuga ko zihunga kubera bw'uko ingabo za leta zishobora kugaba igitero ku mujyi wa Jisr al-Sughut aho abapolisi n'abasirikare ba leta 120 biciwe muri iki cyumweru.