Abantu 8 bakatiwe burundu muri Bahrain

Urubanza rw'abantu batavuga rumwe na leta ya Bahrain Uwufise ububasha kw’isanamu BNA
Image caption Urubanza rw'abantu batavuga rumwe na leta ya Bahrain

Urukiko rwa gisirikare rwo mu gihugu cya Bahrain rwakatiye impirimbanyi 8 zitavuga rumwe na leta igihano cyo gufungwa burundu nyuma yo kubahamya icyaha cyo gushaka guhirika ubutegetsi mu gihe habaga imyigaragambyo irwanya leta mu ntangiriro z'uno mwaka.

Abandi bari bakurikiranyweho icyo cyaha bahawe ibihano byoroheje byo gufungwa imyaka iri hagati y'ibiri na 15.

Abenshi muri izo mpirimbanyi ni abayislamu b'abashia, kandi abategetsi ba Bahrain n'ibihugu by'inshuti zabo byo mu karere baravuga ko abigaragambya bakorana n'igihugu cya Iran ngo gishaka ko haba umutekano muke mu bihugu byo mu kigobe cy'abarabu.

Nyamara ariko, leta zunze ubumwe z'amerika zirashidikanya cyane ku ruhare rwa Iran muri iyo myigaragambyo.