Amapfa araca ibintu mu ihembe ry'Afurika

Abana bishwe n'inzara bageze mu nkambi ya Dadaab Uwufise ububasha kw’isanamu AFP
Image caption Abana bishwe n'inzara bageze mu nkambi ya Dadaab

Imwe mu miryango itanga imfashanyo yo mu Bwongereza yatangije igikorwa cyo gusaba inkunga yo gufasha abantu barenga miliyoni 10 bugarijwe n'amapfa akabije avuga mu bihugu byo mu ihembe ry'Afurika.

Akanama gahuriza hamwe imfashanyo yihutirwa yo gufasha abahuye n'ibiza - the Disasters Emergency Committee - karavuga ko buri munsi abantu bagera kuri 1300 bava muri Somalia bahungira mu nkambi y'impunzi iri mu majyaruguru y'uburasirazuba bwa Kenya.

Ku mupaka wa Ethiopia na Somalia naho ikibazo cy'abantu benshi bahahungira gisa naho kimaze kurenga ubushobozi bw'abakozi b'imiryango itanga imfashanyo bahari.

Umunyamakuru wa BBC aravuga ko inkambi yahafunguwe mu byumweru bibiri bishize ubu nta bandi bantu ishobora kwakira kubera ko imaze kwuzura.