Abapererezi b'abaholandi mu Rwanda

Abaholandi barapereza mu Rwanda Uwufise ububasha kw’isanamu AP
Image caption Abaholandi baraperereza mu Rwanda

Ubushinjacyaha bwo mu Buholandi bwohereje abapererezi batanu mu Rwanda gukora ubushakashatsi ku bantu baregwa genocide yakorewe mu Rwanda muri 94.

Leta y'u Rwanda yahaye Ubuholandi urutonde rw'abantu barenga 20 bashakishwa n'ubushinjacyaha bw'u Rwanda kubyaha bya genocide n'ibyaha byakorewe inyoko muntu.

Jean Bosco Siboyintore ukuriye akanama gashinzwe gukurikirana abaregwa genocide bari hanze y'igihugu, yabwiye BBC ko abo banyaholandi bemerewe n'umushinjacyaha mukuru w'u Rwanda kuza gukora ayo maperereza.

Nubwo yirinze kuvuga amazina y'abo bantu baregwa genocide bari mu Buholandi, bwana Siboyintore yabwiye BBC ko kuburanishiriza abo bantu mu Rwanda aribyo byihutisha imanza, ngo urugero n'urwa Joseph Mpambara wamaze imyaka igera kuri ine atarakatirwa n'urukiko rwo mu Buholandi kandi ngo iyo aza kuba ari mu Rwanda byari gutwara nk'umwaka umwe gusa.