Amashyaka menshi muri Syria

Mu mujyi wa Hama Uwufise ububasha kw’isanamu Reuters
Image caption Mu mujyi wa Hama

Impirimbanyi zo muri Syria zamaganye itegeko teka rya Prezida Bashar al-Assad ryo kwemerera amashyaka menshi gukora politike.

Umwe muri izo mpirimbanyi yabwiye BBC ko icyo ari igitonyanga mu nyanja akoze kandi ko agikoze akerewe cyane, ibyo kandi ngo umukuru wa Syria abikoze kugirango ayobye umurari abantu ntibahange amaso amarorerwa leta ye iri gukorera abigaragambya.

Amakuru aturuka mu mujyi wa Hama, aravuga ko ingabo za leta zongeye kwigarurira akage kari rwa gati muri uwo mujyi, nyuma yaho izo ngabo ziciye abantu muri ako gace.

Uturiye uwo mujyi wa Hama yabwiye BBC ko uwo mujyi wabaye isibaniro ry'intambara kandi ko abantu ibihumbi n'ibihumbi bamaze kuwuvamo, barahunga.