Agahenge mu mujyi wa Londres

Amaduka yangijwe mu mujyi wa Manchester Uwufise ububasha kw’isanamu Getty
Image caption Amaduka yangijwe mu mujyi wa Manchester

Ijoro ryakeye mu mujyi wa Londres hari ituze nyuma yaho ubutegetsi bwongereye umubare w'abapolisi bahacungera umutekano.

Ariko ibikorwa by'ubusahuzi byakomeje mu yindi mijyi minshi yo mu Bwongereza nka Manchester, Liverpool na Gloucester mu gihe abantu babarirwa mu magana bamaze gutabwa muri yombi.

Hagati aho ministri w'intebe, David Cameron, yasezeranije igipolisi ko kizabona ibyo gikeneye byose harimo no gukoresha ibimodoka bihosha imyigaragambyo bikoresheje amazi nibiba ngombwa.

David Cameron yavuze kandi ko imyitwarire y'abakora izo mvururu - barimo n'abana - yerekana ko hari bamwe mu batuye Ubwongereza barwaye. Leta ye ngo ntabwo izatuma habaho umuco w'ubwoba mu mihanda y'Ubwongereza.