Abuja:Inzu ya LONI yaturukijwe n'igisasu

Igisasu Abuja Uwufise ububasha kw’isanamu sahara reporters
Image caption Igisasu Abuja

Imodoka irimo igisasu cy'umwiyahuzi yaturikiye ku nyubakwa y'umuryango w'abibumbye mu mujyi wa Abuja, umurwa mukuru wa Nigeriya, icyo gisasu cyahitanye abantu 18.

Ivuriro rya Abuja ryavuze ko ryakiriye inkomere 60, nyinshi muri zo zikaba zakomeretse cyane.

Ababonye uko byagenze bavuze ko imodoka y'umwiyahuzi yarenze za bariyeri z'umutekano maze igonga aho bakirira abantu kuri iyo nyubakwa ya etaje ishanu.

Ibice bimwe bya etaje ebyiri zo hasi byangiritse cyane.Umutwe w'intagondwa za kiislamu wo muri Nigeriya, Boko Haramu, wabwiye BBC ko ariwo wagabye icyo gitero.

Perezida Goodluck Jonathan wa Nigeriya yamaganye abateze icyo gisasu avuga ko ari igikorwa cy'ibigwari cyakozwe n'abantu badatekereza neza.

Yavuze ko leta ya Nigeriya izakora ibishoboka byose kugira ngo ababikoze bagezwe mu bucamanza.

Umunyamabanga mukuru wa LONI, Ban Ki Moon, yavuze ko icyo gitero cy'igisasu ari igitero ku bantu bitangira abandi.Yavuze ko azohereza icyegera cye, Asha Rose Migiro muri Nigeriya mu maguru mashya.