Urubanza rwa Jacques Chirac

Jacques Chirac ari i Saint Tropez ku itariki ya 14/08/2011 Uwufise ububasha kw’isanamu BBC World Service
Image caption Jacques Chirac ari i Saint Tropez ku itariki ya 14/08/2011

Mu Bufaransa hatangiye urubanza rw'uwahoze ayobora icyo gihugu, Jacques Chirac.

Arashinjwa icyaha cyo kuba yarashakiye ishyaka rye amafaranga ku buryo butemewe n'amategeko igihe yari umukuru w'umujyi wa Paris.

N'ubwa mbere umuntu wigeze kuyobora Ubufaransa aburanishwa kuva igihe Marechal Petain ubucamanza bwamuhamyaga icyaha cyo kugambanira igihugu intambara ya kabiri y'isi yose imaze kurangira.

Jacques Chirac ntabwo yari mu rukiko uyu munsi kubera impamvu z'uburwayi butuma asigaye yibagirwa cyane nkuko byatangwajwe n'abamwunganira.

Ibyaha aregwa byakozwe hashize imyaka 20 ariko Jacques Chirac yari afite ubudahangarwa mu myaka 12 yamaze ari umukuru w'Ubufaransa kugeza muri 2007.