Abantu barenze 30 bishwe mu Burundi

Perezida Pierre Nkurunziza Uwufise ububasha kw’isanamu other
Image caption Perezida Pierre Nkurunziza yasuye aho ubwo bicanyi bwabereye.

Abantu bitwaje intwaro baraye bishe abantu byibura 36 mu gitero bagabye mu kabari kitwa "Les amis" kari mu Gatumba ku birometero 15 mu burengerazuba bw'umujyi wa Bujumbura.

Abarokotse ubwo bwicanyi baravuga ko ababikoze bari bitwaje intwaro n'ibisasu bya grenade.

Ubu nibwo bwicanyi buguyemo abantu benshi icyarimwe nyuma y'amatora rusange yabaye umwaka ushize.

Perezida Pierre Nkurunziza yasuye aho ubwo bwicanyi bwabereye hanyuma ashyiraho iminsi itatu y'icyunamo.

Umukuru w'igihugu cy'Uburundi kandi yanahagaritse uruzinduko yagombaga kugirira mu nteko rusange y'umuryango w'abibumbye i New York.

Leta y'Uburundi ikunze kuvuga ko ibitero bimaze igihe bigwamo abantu hirya no hino mu gihugu bigabwa n'amabandi.

Ariko hari n'abakomeje kuvuga ko hari ubwoba ko hashobora kuba hari umutwe witwaje intwaro urimo kuvuka.