Abantu bakomeje kwicwa muri Yemeni

Abakora imyigaragambyo irwanya leta muri Yemeni Uwufise ububasha kw’isanamu BBC World Service
Image caption Abakora imyigaragambyo irwanya leta muri Yemeni

Amakuru aturuka muri Yemeni aravuga ko hari uguhangana gukomeye hagati y'abashyigikiye perezida w'icyo gihugu Ali Abdullah Saleh n'abakora imyigaragambyo basaba ko ava ku butegetsi.

Abantu barenze 20 bishwe uyu munsi mu murwa mukuru Sanaa; kandi abantu bari bahari baravuga ko babonye indege za gisirikare mu kirere.

Mu mujyi wa Taiz uri mu majyepfo ho hiciwe abantu batatu.

Ingabo za leta zarashe ibisasu bikomeye ku birindiro by'umutwe w'abasirikare wivanye mu ngabo za leta ujya gushyigikira abarwanya ubutegetsi.

Ariko televiziyo ya leta irashinja abo basirikare kurasa ku bitaro.

Ejo ku cyumweru, abantu 26 bishwe n'inzego z'umutekano zikoresheje imbunda za mashinigani n'izindi mbunda zikomeye.