Imvururu mu Misiri

Imvururu mu Misiri Uwufise ububasha kw’isanamu BBC World Service
Image caption Imvururu mu Misiri

Nyuma y'imvururu zikomeye zadutse mu Misiri mu mpera z'icyumweru gishize, minisitiri w'intebe wa Misiri yahamagaje inama idasanzwe ya baminisitiri.

Izo mvururu nizo zikomeye kuva Perezida Hosni Mubarak akuwe k'ubutegetsi mu kwezi kwa kabiri.

Abantu barenga 40 bamaze gufatwa nyuma y'izo mvururu zabereye mu murwa mukuru, Kayiro, zihitana abantu barenga 20, abagera kuri 200 barakomereka.

Iyo myigaragambyo yari yateguwe n'abakiristu ba Coptic kubera umujinya watewe n'ibitero byagabwe ku nsengero zabo zo mu majyapfo ya Misiri.

Abo Bacopt bararega akanama ka gisirikare kayoboye icyo gihugu ko kananiwe gucungera umutekano wabo uhungabanywa n'intagondwa z'abayisilamu.