Julian Assange azoherezwa muri Suede

Julian Assange Uwufise ububasha kw’isanamu AFP
Image caption Julian Assange washinze urubuga rwa Wikileaks

Julian Assange washinje urubuga rwa internet rwitwa Wikileaks rumenerwaho amabanga y'abahagarariye leta zunze ubumwe z'amerika mu mahanga urukiko rwo mu Bwongereza rwategetse ko yoherezwa kuburanishwa mu gihugu cya Suede.

Ubushinjacyaha bwo muri icyo gihugu buramushinja ibyaha byo gufata abagore ku ngufu no guhohotera umuntu bishingiye ku gitsina.

Mu minsi icumi gusa Ubwongereza bushobora kuba bwamwohereje muri Suede. Abanyamakuru bakurikirana uru rubanza baravuga ko abunganira Julian Assange bashobora kujuririra iki cyemezo mu rukiko rw'ikirenga.

Bwana Assange akomeje guhakana ibyaha aregwa avuga ko bishingiye kuri politiki.