Congo yasubijwe amabuye y'agaciro

Umuntu uri mu kirombe cya gasegereti muri Congo Uwufise ububasha kw’isanamu AFP
Image caption Umuntu uri mu kirombe cya gasegereti muri Congo

Urwanda rwasubije Republika iharanira demokarasi ya Congo toni 82 z'amabuye y'agaciro yinjiye muri icyo gihugu mu buryo bwa magendo.

Ubukire bwa Congo ku mabuye y'agaciro bwahaye ingufu intambara yahitanye abantu barenga miliyoni eshanu muri icyo gihugu.

Ubwo bukire kandi bwabaye inkomoko y'ubwumvikane buke hagati y'ibihugu byombi ku buryo Urwanda rushinjwa kuba rwaratumye amakimbirane aherutse muri Congo akaza umurego ngo rugamije kwicukurira amabuye y'agaciro ku buryo butemewe n'amategeko.

Isubiza ry'aya mabuye y'agaciro - arimo coltan ikoreshwa muri za telefoni ngendanwa na gasegereti- rije rikurikiye amategeko mashya yo mu Rwanda abuza ubucuruzi bw'amabuye y'agaciro afite inkomoko itazwi.